होसियार नेता जी !!!

यौ नेता जी,

आहा बड बुद्धियार छि ।।

हम आहा सं मांगैछि अपन अधिकार

आहा दै छि हमरा जुत्ता लात

हमहु त अहिंसन छि,

ओ ललका फल देख भुला जाइ छि

मुदा बिसैर जाइ छि कि     अहिसे पहिले देलहा फल छल महकारी            देखैमे ललिचरगर ,                उपर लाल आ भितर कारी

अहिमे पुरा हमरो दोष नै अइ
         कियाकि जकर पर भरोशा केलौह
              उहे बनल आहाके लग भिकारी
                     हम कनैये ले जनै छि
            आ सगेँ रहल दलाल करैये अत्याचारी
        यौ नेता जी आहा बड होसियार छि ।
देश बेचनाइ त अहिके व्यापार छि ।।

देखु आइ फेर कि भगेल
      अधिकार माँग गेलौह त गोली चैल गेल
             सोचलौ आहामे दया धर्म हेतै
                        मुदा गोलीये लागल हमर प्राण चैल गेल
                             यौ नेता जी आहा बड होसियार छि ।
                                       देश बेचनाइ त अहिके व्यापार छि ।।

देश बेचै छि आहा भाषा भेष बेचै छि ,
      सिमाङ्कन कके आहा हमर प्रदेश बेचै छि,

वाह ! नेता जी ,
            एतबे नै हमरे लङ आइब क झुठ्ठा प्रेम बेचै छि,
                     सडकमे हमरा उताइर क अपने झुठक सनेस बेचै छि ,
                                                 यौ नेता जी आहा बड होसियार छि ।
                                                          तैयो कहै छि जे हम बड लाचार छि ।।

                                           आइ यौ नेता जी ,
                          पढहल लिखल हमर बेटा
                  आहा अनपढ देश चलाबी
         रौदमे खैटक हम अन्न उगाबी
आ आहा दौर दौर सब वाह वाही कमाबी 

भैर दिन खटे हमर परिवार
           साँझमे हमहि बनि लाचार
                 हमरा घरमे नुन आ रोटी
                      आहा घरमे दहिपर अँचार ।
                           यौ नेता जी आहा बड होसियार छि ।
                                   हम त तैयोँ कमाके खाइ छि,
                                            आ आहा कुकुरके परिवार छि । ।

दिनेश रसिया/ लहान